၁။ အစိုးရကို ဆန့်ကျင်သူ တစ်ဦးတစ်ယောက်သည် မည်သည့်အကြောင်းကြောင့်ဖြစ်စေ နေ့ချင်း၊ ညချင်း ထောင်ကျခဲ့လျှင် မဟာသူရဲကောင်းဖြစ်၍ ခေါင်းစဉ်မျိုးစုံဖြင့် ဆုတံဆိပ်များစွာ ရရှိသည်။ မည်သည့်မျိုးနွယ်ဖြစ်စေ၊ မည်သည့်အလုပ်တွေ လုပ်ခဲ့သည်ဖြစ်စေ အရေးမကြီး။ ထိုသူ၏ ဂုဏ်ပုဒ်ကို ဒေါ်လာစား အတိုက်အခံဘလော့အားလုံးက ဘုမသိ၊ ဘမသိ ချီးကျူး ထောပနာ ပြု ရေးသား ဖော်ပြကြသည်။
၂။ မည်သည့်အနုပညာရှင်မဆို ပြောချင်တာ ပြောပြီး ပြည်ပသို့ ထွက်ပြေးခိုလုံလျှင်၊ လုပ်ချင်တာ လုပ်ပြီး ထောင်ကျခဲ့လျှင်၊ အဖွဲ့အစည်းတစ်ခုထောင်ပြီး ပြည်သူများ အလှူငွေဖြင့် ကမကထ လုပ်ခဲ့လျှင် နေ့ချင်း ညချင်း မဟာ သူရဲကောင်းဖြစ်သည်။ ထိုသူတို့ ပြောသည့် စကားအားလုံးကို ချောင်းဆိုးသံ၊ နှာချေသံမှစပြီး ဒေါ်လာစား အတိုက်အခံ ဘလော့ဂါ များက တစ်ခုချင်း အကျယ်တဝင့် ထုတ်ဖော်ရေးသားကြသည်။ ယခင်က မည်သို့နေခဲ့သည်၊ မည်သည့် လုပ်ငန်းတွေ လုပ်ခဲ့သည် များကို မလေ့လာကြ၊ လေ့လာရမှန်းလည်းမသိကြ။
၃။ မည်သူမဆို၊ သူခိုးဖြစ်စေ၊ ဓါးပြဖြစ်စေ၊ အသိပညာ အတက်ပညာရှိသည်ဖြစ်စေ၊ မရှိသည်ဖြစ်စေ၊ ယခု လက်ပေါ်ထွက်၊ လက်ထောင်ပြီး "ကျွန်တော့်မှာ၊ ကျွန်မမှာ ဘာတွေမရှိပါဘူး၊ ဘာတွေကုန်နေပါပြီ" (၃) ကြိမ်တိတိ အော်ပါက နေ့ချင်း၊ ညချင်း မဟာ သူရဲကောင်းဖြစ်ပြီး၊ ခေါင်းစဉ်အမျိုးမျိုးနှင့် ဆုတံဆိပ်များစွာရရှိကာ၊ ဒေါ်လာစားအတိုက်အခံ ဘလော့များ၏ site bar တွင် ချက်ချင်းဓာတ်ပုံနှင့် နာမည်များ ရောက်သွားမည်။ ယခင်က ထိုသူ ဘာတွေလုပ်ခဲ့သည် မလုပ်ခဲ့သည်မသိ နောက်နောက်တွင် ဘာအစီအစဉ်တွေ ရှိသည် မသိသော်လည်း လမ်းထွက်အော်သည့် ကိစ္စတစ်ခုဖြင့် ကြည်ညို ကိုးကွယ်ကြလိမ့်မည်။
၎။ ဟိန္ဒူ တို့က လုပ်ချင်တဲ့ အပြစ်လုပ်ပြီး ဂင်္ဂါမြစ်တွင်း ကိုယ်လုံးတီးဖြင့် ရေချိုးကာ အပြစ်ဆေးကြောကြ၏။ ခရစ်ယန် တို့က လုပ်ချင်တဲ့ အပြစ်လုပ်ပြီး ဘုရားကျောင်းမှ ဖာသာထံသို့သွားရောက်ပြီး အပြစ်ဝန်ခံကာ အပြစ်ကို ဖယ်ရှားပြီး လူကောင်းပြန်လုပ်ကြ၏။ ဗုဒ္ဓဘာသာတို့က လုပ်ချင်တဲ့ အပြစ်လုပ်ပြီးပါက ပင်နီတိုက်ပုံ ဝတ်၍ အပြစ်ဆေးကြောကာ လူကောင်းလုပ်ကြ၏။ ထိုသူများကို ဒေါ်လာစားတို့က အကျယ်တဝင့် ရေးသားဖော်ပြကြ၏။
၅။ နိုင်ငံခြား ရောက်လာပြီး ပညာလည်းပြစရာမရှိ၊ အလုပ်လည်း မယ်မယ်ရရမလုပ်တတ်၊ ငွေကြေးကလည်း ချို့တဲ့သူများ ဘလော့တစ်ခုထောင်ပြီး ကမ္ဘာဦးအစမှစပြီး နာမည်ကြီးခဲ့သည့် ပုဂ္ဂိုလ်များဓာတ်ပုံ၊ ဗိုလ်ချုပ်အောင်ဆန်းပုံနှင့် ဒေါ်အောင်ဆန်းစုကြည် ပုံ တင်ကာ နေ့စဉ်နှင့်အမျှ စိတ်ပျက်စရာ ကောင်းသည့် မိမိနိုင်ငံ ဓာတ်ပုံများကိုမှ ရှာတင်ပြီး၊ စုတ်ပျက်သပ်နေသည့်အကြောင်းများရေးပါက နေ့ချင်းညချင်း ကိုယ့်လိုလူများက ကြိုဆိုကြ၏။ အားပေးကြ၏
၆။ ရှေးဘဝ အဆက်ဆက်က မကောင်းမှုများ စဉ်ဆက်မပျက် လုပ်ခဲ့ခြင်းကြောင့် ယခု ဘဝ တွင် နေ့စဉ်နှင့်အမျှ မိုးလင်းတာနှင့် ဆိုးဝါး ဆုတ်ပျက်သက်သော စာမျက်နှာတွေ၊ အတင်းတွေ၊ ရန်လိုမှုတွေ စသည့် အ ကုသိုလ်အမှုများဖြင့် တန်ဖိုးရှိသော အချိန်များစွာ ကုန်ဆုံးနေကြရ၏။ မုသားများကို နေ့စဉ် ကျူးလွန်နေကြ၏။ ရန်လိုသည့် ပိုစ့်တစ်ခု တင်လိုက်၊ ရန်လိုသည့် ကွန်းမန့်တွေ လိုက်ပေးလိုက်၊ စီဘောက်စ်တွေမှာ ရန်ဖြစ်လိုက်နှင့် အချိန်ပြည့် ရန်လို ပူလောင်နေကြ၏။ ထိုသူများမှာ အခြားမဟုတ် ဒေါ်လာစား အတိုက်အခံ အတင်းသမားများနှင့် ဘလော့ဂါများသာ ဖြစ်ပါသည်။
အောက်ဆုံးမှာ ဒေါ်လာစား တို့ လင့်တွေကို မြည်မာနိုင်လိုက်ကြည့်လိုက်ပါ။ မြန်မာနိုင်ငံကောင်းကြောင်း၊ သာယာလှပကြောင်း၊ စသည့် အချက်များ တစ်ချက်မှ မရှိသလို မြန်မာ့ယဉ်ကျေးမှု အကြောင်း တစ်ခုမှ ရေးမထားသလို ထိုစာမျက်နှာများကို မြန်မာနိုင်ငံကို မရောက်ဖူးသော တစ်ဦးတစ်ယောက်က၊ ဓာတ်ပုံများ၊ ဗွီဒီယိုဖိုင်များနှင့် စာအချို့ကို ဖတ်ကြည့်ပါက မြန်မာနိုင်ငံ ကို ယဉ်ကျေးမှု မရှိသော ရိုင်းစိုင်း ဆုတ်ပျက်သောနိုင်ငံအဖြစ် သက်မှတ်ကြပေမည်။ သို့ဖြစ်ပါ၍ နိုင်ငံခြားရောက် မြန်မာများလည်း အထင်သေးခံရပေသည်။ စဉ်းစားသင့်ပါသည်။ အရင်ကတည်းက အထင်မကြီးဖြစ်နေကြသည့်အထဲ မိမိကြောင့် ကိုယ့်နိုင်ငံ ကိုယ့်လူမျိုးကို အထင်မကြီး စေလျှင်နေပါ။ မိမိကြောင့် အထင် ထပ်အသေး မခံရအောင် ကြိုးစားနေထိုင်ကြဖို့ ဒေါ်လာစားများကို အကြံပေးလိုပါ၏။ Google မှာ Myanmar (သို့) Burma (သို့) Yangon ... စသည်ဖြင့် ရိုက်ကြည့်လိုက်ပါ။ ထွက်လာတဲ့ ပုံတွေကို ကြည့်ကြည့်ပါ။ စုတ်ပျက်သက်နေတဲ့ ပုံတွေအားလုံးက ဒေါ်လာစားတို့ အဖွဲ့တွေချည်း က ဖော်ပြနေကြတာပါပဲ။ စားဝတ်နေရးအရ အတင်းတွေ ဆက်ရေးချင်ရေးပါ၊ ဟိုကူး ဒီကူးတွေ ကူးချင်ကူးပါ။ အ ကုသိုလ်အလုပ်တွေ ဆက်လုပ်ချင်လုပ်ပါ။ သို့သော် ဓတ်ပုံတင်ခြင်းများကို ဆင်ခြင်ကြပါ။ အကောင်းနှင့် အဆိုးဆိုသည်မှာ အမြဲ ဒွန်တွဲနေသောကြောင့် အဆိုးတွေချည်း မရေးပဲ မမြင်ချင်ဟန်ဆောင်ထားသည့် အကောင်းများကို ပါ မျှမျှတတ တင်နိုင်အောင် ကြိုးစားကြပါ။ ဒေါ်လာစား ဘလော့ဂါ အချင်းချင်း ဝိုင်းဝန်းထိန်းသိမ်းကြပါ။ လွတ်လပ်စွာ ဝေဖန်ပြောဆိုမှုကို လက်ခံကြပါ။ ပိတ်တာတွေ၊ ဘန်းတာတွေ၊ ဖျက်တာတွေ၊ တင်မပေးတာတွေကို ဆင်ခြင်ကြပါ။ (အချို့ ဘလော့တွေကိုသာ ပြောခြင်းဖြစ်ပါသည်။)
No comments:
Post a Comment